НҰР-СҰЛТАН, 29 наурыз – Sputnik. "Қазақстан теміржолы" ұлттық компаниясының еншілес ұйымы - "ҚТЖ-Жүк тасымалы" ЖШС-іне қатысты тергеу шаралары басталды, деп хабарлады бәсекелестікті қорғау және дамыту агенттігі.
Бүгінде теміржолы нарығындағы жүк тасымалының басым бөлігі "ҚТЖ-Жүк тасымалы" ЖШС-іне тиесілі.
18 жыл бұрын осы саладағы жүк тасымалдау қызметі бәсекелестік ортаға берілген. Алайда әлі күнге дейін бәсекелестік байқалмайды. Жүк тасымалдау үшін рұқсат алу қажет.
Дегенмен, осы уақытқа дейін 48 лицензия берілсе, шын мәнінде, белгілі бір бағыттарда екі жеке меншік тасымалдаушы "ТТТ Сервис" ЖШС мен "DarRail" ЖШС жұмыс істейді. Олардың үлесі 5 процентке де жетпейді.
Қалғанын "ҚТЖ-Жүк тасымалы" ЖШС ұстап отыр.
"Қазіргі кезде "ҚТЖ-Жүк тасымалы" ЖШС-іне қатысты монополициялық артықшылығын теріс пайдалану бойынша тергеу шаралары басталды", - делінген ресми хабарламада.
Монополист бірдей келісімдерге әртүрлі шарттар қойғаны үшін айыпталып отыр.
Айта кетері, "ҚТЖ-Жүк тасымалы" ЖШС ұлттық жүк тасымалдаушы компаниясы болып саналады. Бұған акционерлік қоғам болған. Ал 2020 жылдың тамызында жауапкершілігі шектеулі серіктестік ретінде қайта құрылды.
Компанияның филиалдық желісі бар. Оған жол бөлімшелері мен локомотив деполары кіреді. Барлығы жүк тасымалдау қызметтерінің кешенін ұсынады.
Соның ішінде метал, көмір, мұнай мен газ тасымылдау қызметтері бар. "ҚТЖ-Жүк тасымалы" ЖШС ірі компаниялардың жүктерін жеткізіп отырады.