НҰР-СҰЛТАН, 10 наурыз – Sputnik. Қазақстан президенті Қасым-Жомарт Тоқаев елордада брондалған дөңгелекті техника шығаратын және жаңартатын "Қазақстан Парамаунт Инжиниринг" зауытын аралап көрді, деп хабарлайды Ақорда.
Президентке отандық брондалған дөңгелекті машина шығару үдерісі көрсетілді және қазақстандық қорғаныс-өнеркәсіп кәсіпорны өнімдерінің көрмесі таныстырылды.
Тоқаев брондалған машиналар шығаратын зауытты аралады
© Официальный сайт Президента Казахстана
Тоқаевқа компанияның жұмысы мен отандық қорғаныс-өнеркәсіп кешенінің жағдайы жөнінде мәлімет берілді.
Зауытты аралап шыққан президент аталған саланы дамытудың перспективті бағыттарын айқындап берді.
Сондай-ақ Тоқаев отандық өндірушілерді қолдау қажет екенін атап өтіп, шығаратын өнімдерді техникалық тұрғыдан заман талабына сай жаңартуға шақырды.