НҰР-СҰЛТАН, 3 наурыз – Sputnik. Қазақстандық Air Astana әуе компаниясы Нұр-Сұлтан – Лондон бағыты бойынша рейстерді жандандырады.
"Лондонға қайта ораламыз. 12 наурыздан бастап біз сәрсенбі және сенбі сайын жаңа Airbus 321 LR ұшағымен Нұр-Сұлтаннан Лондонға ұшамыз", - деп мәлімдеді Air Astana баспасөз қызметі.
Ұшу ұзақтығы шамамен 7 сағатты құрайды. Билеттерді әуе компаниясының сайтынан сатып алуға болады. Билет құны бір жаққа 266 мың теңгеден басталады.
Вакцина салдырмаған немесе рұқсат етілмеген вакцинаны алған жолаушылар ПТР-тест тапсыруы қажет.
Барлық жолаушы Ұлыбританияға ұшып келгенге дейін 48 сағат ішінде арнайы форма (PLF) толтырады.
Ұлыбританияда рұқсат етілген вакциналар тізімі:
Oxford/AstraZeneca
Pfizer BioNTech
Moderna
Janssen
Sinovac-CoronaVac
Sinopharm Beijing
Covaxin
Вакцина сертификатын растайтын құжат ретінде пайдаланатын жолаушылар оны ұлттық немесе мемлекеттік денсаулық сақтау органы бергеніне, ағылшын, француз немесе испан тілінде жазылғанына көз жеткізуі керек.