НҰР-СҰЛТАН, 17 ақпан – Sputnik. Қазақстандықтар 18 қарашада Ұлы көш күнін атап өтеді.
Қаулы жобасы "Ашық НҚА" порталында жарияланды.
"Қазақстандағы мерекелік күндердің тізбесі 43-1-тармақпен: Ұлы көш күні – 18 қараша деп толықтырылсын", - делінген құжатта.
Жоба 3 наурызға дейін қоғамдық талқылауға шығарылды.
2021 жылы күзде Ұлттық қоғамдық сенім кеңесінің алтыншы отырысында президент Қасым-Жомарт Тоқаев үкіметке Ұлы көш күнін мерекелік күнтізбеге енгізуді тапсырған еді.
Айта кетері, Ұлы көш 1991 жылы басталды. Қандастарға өз атажұртына оралуға мүмкіндік берген құжат 1991 жылғы 18 қарашада қабылданды.