НҰР-СҰЛТАН, 4 ақпан – Sputnik. Нұрхат Оразбаев Атырау облысы полиция департаментін басқарды.
Қазақстан президенті әкімшілігінің келісімі бойынша ішкі істер министрі Ерлан Тұрғымбаевтың бұйрығымен Атырау облысы полиция департаменті басшысы болып Нұрхат Оразбаев тағайындалды, деп хабарлайды Polisia.kz.
Полиция департаментінің жеке құрамына жаңа басшыны ішкі істер министрі Ерлан Тұрғымбаев пен Атырау облысының әкімі Махамбет Досмұхамбетов таныстырды.
Нұрхат Оразбаев кім
Нұрхат Кенжебайұлы Оразбаев 1968 жылы Атырау облысында туған.
Ішкі істер органдарында 1991 жылдан бері қызмет етеді.
Гурьев педагогика институтын, Алматы жоғары тергеу мектебін, РФ ІІМ Академиясын тәмамдаған.
Жаңа қызметке тағайындалғанға дейін Атырау облысы полиция департаменті бастығының орынбасары болды.