НҰР-СҰЛТАН, 3 ақпан – Sputnik. Денсаулық сақтау министрлігі COVID-19 және пневмония себеп болған өлім-жітім статистикасын жариялады.
2 ақпандағы мәліметке сәйкес, коронавирус 23 қазақстандықтың өмірін қиды: 17-сі COVID-19-дан және алтауы коронавирус белгілері бар пневмониядан көз жұмды.
3 ақпандағы жағдай бойынша 126 829 адам коронавирус инфекциясынан емделуді жалғастыруда. Стационарларда 10 192 науқас жатыр, амбулаторлық деңгейде (үйде) 116 637 науқас емделуде.
Коронавирус инфекциясын жұқтырғандар мен пневмониямен ауырғандардың арасында 434 науқастың жағдайы ауыр, 174 науқастың жағдайы өте ауыр, 84-і жасанды тыныс алдыру аппаратына қосылған.