НҰР-СҰЛТАН, 31 қаңтар – Sputnik. Әлеуметтік желіде көшеде көліктің жүксалғышынан ұстанып келе жатқан ер адамның видеосы тарады.
Павлодарлық полицейлер тәртіп бұзғандарды тапты , деп хабарлайды Sputnik Қазақстан облыстық полиция департаментіне сілтеме жасап.
Видео павлодарлық "Типавло" паблигінде жариялғанан болатын. Тәртіп сақшылары бірден тексеріс жүргізіп, жол қозғалысы ережесін бұзған адамдарды анықтады.
"Видео 30 қаңтарда Павлодар қаласындағы Иса Байзақов көшесінде түсірілді. "ВАЗ" маркалы автокөлігінің жүргізушісі жолаушыны көлік құралының кабинасынан тыс жерде тасымалдап, жол қозғалысы ережесінің 22.6.1-тармағын бұзған. Автокөлік айыппұл тұрағына қойылды", - дейді полицейлер.
Жүргізушіге қатысты Әкімшілік құқық бұзушылық кодексінің 593-бабы 1-бөлімі бойынша хаттама толтырылды.
Оған сәйкес, 5 АЕК (15 315 теңге) көлемінде айыппұл қарастырылған.