НҰР-СҰЛТАН, 14 қаңтар – Sputnik. Таразда көз жұмған Ресей азаматы Мария Кимді жеті жерден пышақтап, басынан атып кеткен, деп хабарлады Mash телеграм-арнасы.
Мария Тараздағы дәмханада жұмыс істеген. Тәртіпсіздіктер басталған кезде жұмысшылар дәмхана иесінен оларды үйіне жеткізетін көлік жіберуін сұраған. Бірақ нысан иесі бас тартқан. 26 жастағы әйел, үш баланың анасына дәмхананы жабуға тура келген. Осы сәтте бұзақылар тап беріп, жеті жерден пышақ салып, басынан атқан.
Ресей елшілігі Қазақстанның ішкі істер министрлігіне жіті тергеу жүргізу жөнінде талап жолдады.