НҰР-СҰЛТАН, 7 қаңтар – Sputnik. Алматыда лаңкестікке қарсы операция жүріп жатқан жерден Sputnik Қазақстан тілшісі Александр Мироглов 7 қаңтардағы қаладағы жағдай туралы айтып берді.
Оның айтуынша, антитеррорлық операция аясында қалада қалыпты өмір жалғасып жатыр.
"Қазір Республика алаңында түнгі тазартудан кейін бронетранспортерлер мен бронетехника мінген әскерилер жүр. Олар аудандағы жағдайды толық бақылауда. Әкімдік ғимаратындағы өрт сөндірілді, кешегідей өрт көрінбейді. Республика алаңы мен тазалаудан кейінгі бірнеше ауданның маңында түнде қарулы топтармен қақтығыс салдары анық байқалады. Жол апатынан зардап шеккен жеке көліктер де аз емес. Мен көшеде денесі курткамен жабылған азаматтық киім киген адамның мәйітін көрдім", - деді Мироглов.
Тілшінің айтуынша, қала ішіндегі жол ашық. Бірақ Республика алаңына жету мүмкін емес.
Қалада адам жоқ деуге болады.