НҰР-СҰЛТАН, 6 қаңтар – Sputnik. Челябі облысында Қазақстанмен шекарадағы өткізу пунктері штатты режимде жұмыс істеп жатыр. Орынды себебі бар азаматтар шекараны кесіп өте алады. Бұл туралы РИА Новости-ге Челябі облысы бойынша Ресей ФҚҚ Шекара басқармасының баспасөз қызметі хабарлады.
"Өткізу пунктері штатты режимде жұмыс істеп жатыр", - деді спикер агенттікке.
Ол өткізу бекеттерінде ешқандай кептеліс жоқ екенін нақтылады. "Орынды себебі бар азаматтар шекараны кесіп өте алады", - деп толықтырды ол.
Бұған дейін Қазақстан мен Қырғызстан шекарасын кесіп өткен адамдардан ПТР-тест анықтамасы талап етілмейтіні белгілі болды. Бұл ақпаратты Sputnik Қырғызстан агенттігіне Қырғызстан министрлер кабинетінің баспасөз қызметі растады.
Бұл ережені алып тастау туралы шешім Қазақстанда жағдайдың ушығуына байланысты қабылданды. Оның күші Қырғызстан азаматтарына да, шетелдіктерге де таралады.
Бұған дейін Қырғызстанның сыртқы істер министрлігі өткізу пунктері штатты режимде жұмыс істеп тұрғанын және отанына оралуды қалайтын қырғызстандықтар қазақ-қырғыз шекарасынан еш кедергісіз өте алатынын мәлімдеді.
Қазақстанда жаппай наразылық 2022 жылдың басында басталды. Елде 19 қаңтарға дейін төтенше жағдай режимі жарияланды.