НҰР-СҰЛТАН, 6 қаңтар — Sputnik. Нұр-Сұлтанның сол жағалауында сағат 15:00-ге дейін тек "Халық банкі" жұмыс істеп тұр.
Орталықтағы өзге банктер (Жусан банк мен Kaspi) клиенттерге қызмет көрсетпейді.
Банк жұмыс істемей тұр
© Sputnik / Абзал Калиев
Ғимарат сыртында бөлімше жұмыс істемейтіні туралы ақпарат жазылған.
Банк ақпараты
© Sputnik / Абзал Калиев
"Құрметті клиенттер, техникалық себептерге байланысты банк бөлімшесі уақытша жұмыс істемейді", – делінген банктердң хабарламасында.
Банкоматтан қол-қол ақша алу үшін тұрғындар кезекте тұр.
6 қаңтардан бастап барлық екінші деңгейлі банк пен қазақстандық қор биржасының жұмысы тоқтатылады.
Қазақстандағы тәртіпсіздіктер
Жыл басында сұйытылған газ бағасы қымбаттады. Жаңаөзен тұрғындары наразылық білдіріп, митингіге шықты. Бұдан соң оларды Батыс Қазақстанның өзге қалалары да қолдады. Қаңтардың 5-не қараған түні наразылық шаралары Алматы мен Нұр-Сұлтанда өтті. Алматыда газ бағасына қатысты митингілер полициямен қақтығысқа ұласты. Президент Қасым-Жомарт Тоқаев Алматы қаласы мен Маңғыстау облысында төтенше жағдайы режимін жариялады.
5 қаңтар таңертең мемлекет басшысы Ақордада шұғыл кеңес өткізіп, үкіметті отставкаға жіберді.
Алматыда жаппай тәртіпсіздік басталып кетті. Адамдар қаланың әкімшілік ғимараттары мен алаңдарын басып алды.
Қаңтардың 5-нен 6-на қараған түні республика бойынша төтенше жағдай режимі енгізілді.