АЛМАТЫ, 1 қаңтар – Sputnik. Алматыдағы Саин даңғылында көлік апаты болды.
Куәгерлердің айтуынша, Toyota Camry 70 және Toyota Land Cruiser Prado көліктері Саин даңғылының бойымен солтүстік бағытта келе жатқан. Жол айрық көпірінің астында белгісіз себептермен Toyota Camry бар жылдамдықпен Land Cruiser көлігіне соқтығысқан.
Жол апаты салдарынан бір адам ауруханаға жатқызылды
© Sputnik / Стрингер
Соңғысы жиектасқа ұшып түсіп, металл қоршауға соғылған, содан кейін жол талғамайтын көлік аударылып кетіп, инерциямен бірнеше ондаған метрге сырғыған.
Жол талғамайтын көлік аударылды
© Sputnik / Стрингер
Жол апаты салдарынан екі адам зардап шекті – Toyota Land Cruiser Prado жүргізушісі мен жолаушысы. Оларды оқиға орнына келген жедел жәрдем дәрігерлері тексерді. Жүргізуші ауруханаға жатудан бас тартты, ал апаттан зардап шеккен жолаушы ауруханаға жеткізілді.
Саин даңғылындағы жол апаты
© Sputnik / Стрингер
Toyota Camry жүргізушісі де тексерілді, ол ауыр жарақат алмаған.
Полиция оқиғаның мән-жайын анықтап жатыр
© Sputnik / Стрингер
Оқи отырыңыз: Нұр-Сұлтан маңында жантүршігерлік жол апаты болды