2021 жылы әлем бойынша әртүрлі табиғи апаттар болды. Мәселен, Якутия, Греция, Түркияда миллиондаған гектар орман өртенді. Еуропаның оңтүстік-батыс бөлігіндегі аптап ыстық болды, Германияда бұрын-соңды болмаған су тасқыны болып, әлемнің әр жерінде жанартаулар атқылады.
Канар аралындағы Ла-Пальманың Кумбре-Вьеха жанартауының өзі қаншама қиындық тудырды.
Франция көктемдегі аяз салдарынан жүзімдіктің көп бөлігін жоғалтты, Қырымдағы қатты нөсер су тасқынына әкелді, Жапонияда жер сілкінді, Үндістан жаңбыр астында қалды, Канада мен АҚШ-та қатты дауыл болды.
Алайда 2021 жылы әлем бойынша экономикаға үлкен зиян келтірген апаттар мұнымен тоқтамайды. Сарапшылардың алдын ала бағалауы бойынша биыл шығын 93 миллиард доллардан асты. Алайда бұл нақты шығын көлемі емес. Елдер табиғи апат салдарының шығынын әлі күнге дейін есептеп жатыр.
Сондай-ақ мамандар ғаламшардың әртүрлі нүктесінде ауа райы мен климаттың тым құбылмалы болуына және табиғи апаттардың көбеюіне не себеп болғанын анықтамақ.
Көптеген климатолог мұны жаһандық жылынумен байланыстырады. Оның әсерін төмендедетін факторларды зерттеп жатыр.
2021 жылдағы ең ірі және жойқын табиғи апаттардың фотосын біздің материалдан көріңіз.