НҰР-СҰЛТАН, 23 желтоқсан – Sputnik. Бұрынғы денсаулық сақтау министрі Алексей Цой қызметінен кету туралы шешімді осыдан 8 ай бұрын қабылдаған, деп хабарлады Хабар 24.
Айтуынша, өзі басқарған кезде ведомство бәріне мейлінше ашық болған.
"Біздің министрлік сияқты өзге ведомстволар журналистермен осыншалықты жиі кездеспеген болар. Тек орталық коммуникациялар орталығының өзінде 27 рет брифинге шықтым. Оның бәрі уақыт алатынын түсіну керек. Бір брифингтің өзіне кейді 3-4 сағат кетеді. Оған қоса дайындық уақыты бар. Пандемия кезінде шешілуге тиіс көптеген мәселе тағы бар. Жаңа вакциналарды жеткізуге қатысты бұйрықты күтеміз. Мұның бәрін ешкім есептемейді", - дейді Алексей Цой.
20 желтоқсанда мемлекет басшысының жарлығымен Алексей Цой Қазақстанның денсаулық сақтау министрі лауазымынан босатылды.
Цой 2020 жылдың 25 маусымында қазір тергеліп жатқан Елжан Біртановтың орнына тағайындалған болатын.
Оқи отырыңыз: Тоқаев Алексей Цойға алғыс айтты
Президент Қасым-Жомарт Тоқаев бұрынғы денсаулық сақтау министріне белсенді жұмыс істегені, әсіресе Қазақстанда коронавирус індетінің таралуына қарсы күресте атқарған еңбегі үшін алғыс білдірді.