НҰР-СҰЛТАН, 16 желтоқсан – Sputnik. Маңғыстау облысы Атамекен ауылында жол апаты кезінде көлік тұрғын үйдің қақпасына соғылды.
Облыстық полиция департаментінің мәліметінше, Mazda 626 көлігінің жүргізушісі бұрылыс кезінде Nissan Altima көлігімен соқтығысқан.
Нәтижесінде Mazda 626 тұрғын үйдің қақпасына барып соғылды. Үш зардап шегуші Маңғыстау облыстық ауруханасына жеткізілді. Медициналық көмектен кейін үшеуі де үйге жіберілді.
Mazda 626 көлігінің иесіне қатысты әкімшілік хаттама толтырылды.