НҰР-СҰЛТАН, 14 желтоқсан – Sputnik. Премьер-министр Асқар Мамин қазақстандықтарға вакциналау және ревакциналау қарқынын күшейтуді тапсырды, деп хабарлайды Sputnik Қазақстан тілшісі.
Айтуынша, қазіргі таңда 8,8 миллионнан астам адам вакцинаның бірінші компонентін салдырды. Екінші компонент 8,3 миллион адамға егілді.
"Бетперде режимін, әлеуметтік ара қашықтықты сақтауды жалғастырып, вакциналау және ревакциналау қарқынын күшейту қажет", - деді премьер үкімет отырысында.
Мамин елде эпидемиологиялық жағдай тұрақты екенін атап өтті. Күн сайын тіркелетін коронавируспен ауырғандар саны көбейіп жатқан жоқ.
Инфекциялық ауруханадағы орындар 23%-ке, ал реанимациялық орындар 20%-ке толы.
"Сары" аймақта алты өңір, "жасыл" аймақта 11 өңір тұр. "Қызыл" аймақта бірде-бір өңір жоқ.