НҰР-СҰЛТАН, 6 желтоқсан – Sputnik. Қасым-Жомарт Тоқаев пен Шавкат Мирзиёев жаңадан салынған Өзбекстанның Қазақстандағы елшілігіне барды, деп хабарлады Ақорданың ресми сайты.
Шавкат Мирзиёевтің Қазақстанға мемлекеттік сапары аясында екі ел президенттері Өзбекстан елшілігінің жаңа ғимаратының салтанатты ашылу рәсіміне қатысты.
Елшіліктің ғимараты елордадағы Тәуелсіздік даңғылының бойында, "Хазірет Сұлтан" мешітіне жақын жерде орналасқан.
Елшіліктің ғимараты "Хазірет Сұлтан" мешітіне жақын жерде орналасқан
© Photo : Ақорданың ресми сайты
Мемлекеттер басшылары салтанатты шарада лента қиған соң, Президент оркестрі екі елдің мемлекеттік әнұрандарын орындады.
Бұдан кейін Қасым-Жомарт Тоқаев пен Шавкат Мирзиёев елшіліктің жаңа ғимаратын аралап шықты.
Жиын соңында Қазақстан президенті Құрметті қонақтар кітабына қолтаңбасын қалдырды.
Оқи отырыңыз: