Ніл жағалауындағы мереке: сфинкстер аллеясы туристер үшін қайта ашылды

Реставрациядан кейін Сфинкстер аллеясының ұзындығы үш километрге жуықтады. Оны мыңнан астам ежелгі мүсіндер "күзетіп тұр".

Жол біздің дәуірімізге дейінгі 380-362 жылдары билік еткен 13-ші династиядан шыққан Нектанеб I перғауынның тұсында салынған. Аллея Луксор ғибадатханасын солтүстікке қарай, Ніл өзенінен сәл жоғары орналасқан Карнак ғибадатханасымен байланыстырады.

Ежелгі уақытта бір ғибадатханадан екіншісіне жеткізетін жолдың бұл бөлігін "Құдай жолы" деп атаған. Көп ғасыр бұрын мысырлық билеушілердің салтанатты шерулері осы қасиетті аллеямен жүріп өткен және діни мерекелер ұйымдастырылған.

Бетін құм жауып, адам жанарынан жасырын қалған көне мүсіндерді археологтар анықтағанға дейін талай ғасыр өтті.

Мысырдың әйгілі көрнекі нысанында 2010 жылдан бері қалпына келтіру жұмыстары жүргізіліп жатты. Енді ол туристер үшін қайта ашылды.

Ежелгі Сфинкстер аллеясының ашылу салтанаты қалай өткенін суреттер топтамасынан көріңіз.

1 / 14

Луксор ғибадатханасының алдындағы алғашқы сегіз сфинкс мүсінін 1949 жылы мысырлық археолог Закария Гинеим тапты.

2 / 14

Луксордағы Сфинкстер аллеясының ашылу салтанаты ашық аспан астында өтті.

3 / 14

Салтанатты шара кезінде көне мысырлық киім киген жүздеген әртіс көне жолмен жүріп өтті.

4 / 14

Қазба жұмыстары кезінде қошқар басы бар 250 сфинкс және адам басты 807 сфинкс табылды.

5 / 14

Сфинкстер аллеясында археологтардың жұмысы күні бүгінге дейін жалғасып жатыр. Ғалымдар әлі де көне мүсіндерді іздеуде.

6 / 14

Көне жолдың ашылу салтанатына Мысыр президенті Абдель Фаттах ас-Сиси мен туризм және көне жәдігерлер министрі Халед әл-Энани қатысты.

7 / 14

Халед әл-Энанидің айтуынша, мысырлық Луксор қаласы ашық аспан астындағы әлемдегі ең үлкен музейге айналды.

8 / 14

Іс-шара кезінде гала-концерт пен костюмдер шоуы ұйымдастырылды.

9 / 14

"Перғауындар жолы" Луксор мен Карнак ғибадатхана кешендерін байланыстырып тұр.

10 / 14

Көне ескерткіш саяхатшылар мен туристердің серуендеу аймағына айналуы керек.

11 / 14

Кешке уақытта бұл жолға түрлі шамдар жарық түсіріп тұрады.

12 / 14

Енді бұл жаңа нысан Шарм-әл-Шейх пен Хургададағы көптеген экскурсиялық турға енгізіледі.

13 / 14

Сфинкстер аллеясында діни мерекелер кезіндегі салтанатты шерулер өткізіліп келді.

14 / 14

Бұл жерде соңғы қалпына келтіру жұмыстары 2010 жылы басталды.

Ніл жағалауындағы мереке: сфинкстер аллеясы туристер үшін қайта ашылды – фото