НҰР-СҰЛТАН, 11 қараша – Sputnik. Ішкі істер министрлігі еліміздің барлық өңірлерінде шетелде тіркелген автомобильдерді пайдалану мәселелері бойынша call-орталықтар ашты.
Ведомство Ресей Федерациясынан әкелінген көлік құралдарын пайдалану және тіркеу туралы мәселенің маңыздылығына, сондай-ақ азаматтарға министрліктің есептік деректерінен өз көліктерінің Ресей Федерациясында тіркелгенін тексеру ыңғайлы болуы үшін байланыс телефондарын құрды.
Call-орталық телефондары сағат 9:00-ден 23:00-ге дейін қоңырау қабылдайды.
"Ресейде тіркелген автокөліктердің мәселелері бойынша азаматтар тарапынан өтініштердің көп болуын ескере отырып, ішкі істер министрлігі сенімді ақпаратты жедел ұсыну үшін ел аумағында call-орталықтар ашты", – делінген министрлік баспасөз қызметінің хабарламасында.
Оқи отырыңыз:
- Ресейлік нөмірмен жүрген көліктерге қатысты маңызды 10 сұрақтың жауабы
- Ресейлік нөмірмен жүрген көліктер енді себепсіз тоқтатылмайды – министрлік
- Ақтауда шетелдік нөмірмен жүрген көлік жүргізушілері наразылық білдірді - видео