Әскери-патриоттық жиынына қатысушы Мадина Жанайдар команда мүшелерімен Қарулы күштердің әскери бөлімдерінің бірінде болып қайтты.
Естеріңізге сала кетейік, қазанның жетісінде Тәуелсіздіктің 30 жылдығына орай елордада жас патриоттар арасында "Айбын-2021" жиыны басталған болатын.
Оған "Жас ұлан" республикалық мектептерінен, С.Нұрмағамбетов атындағы қорғаныс министрлігінің әскери колледжінен, еліміздің облыстары мен қалаларындағы Қарулы күштердің, басқа да әскерлері мен әскери құралымдарының әскери-патриоттық клубтарынан құрамында 1100-ден астам жасөспірім бар 74 команда қатысты.
Жиын аясында әскери-қолданбалы спорт түрлерінен жарыстар, "Айбын дарыны" зияткерлік ойыны, "Айбын жұлдызы" шығармашылық конкурсы, "Смарт сарбаз" конкурсы өтеді. Онда жас құрастырушылар жасаған роботтар және роботтандырылған жүйелердің түрлері ұсынылады.
Биылғы бағдарламада жаңа жарыстар пайда болды. Олар жас тілшілер арасындағы "Жас сарбаз – жас тілші" байқауы және тоғыз-құмалақ ұлттық ойынынан онлайн-турнир. Алғаш рет тұрақты түрде "Жас сарбаз Хаб" коворкинг-орталығы іске қосылады. Оның ішінде жиынның фронт-кеңсесінің, брифинг залының және "Жас сарбаз медиа" студиясының жұмысы ұйымдастырылды.
"Айбын-2021" республикалық әскери-патриоттық жастар жиыны 30 қарашаға дейін жалғасады.