НҰР-СҰЛТАН, 5 қазан – Sputnik. Елорданың полиция департаменті қалың қар жаууына байланысты жазғы доңғалақты тезірек ауыстыруға кеңес берді, деп хабарлайды Sputnik Қазақстан.
Сондай-ақ полиция жаяу жүргіншілерге де абай болуға кеңес берді. Жолдан өткенде құлаққапты шешіп, телефонмен сөйлеспеген жөн.
Нұр-Сұлтан полициясы қаладағы жағдайға байланысты үндеу жасады – видео
Айта кетері, Нұр-Сұлтанда түнде қалың қар жауды. Қаланың кейбір жерлерінде күртік қарды байқауға болады.
Қалың қар түсіп, көктайғақ болуына байланысты көшеде көлік кептелісі көбейді.
Қазгидрометтің болжамына сәйкес, сейсенбі, 5 қазанда елордада ауа температурасы 0-плюс 2 болады. Қар аралас жаңбыр жауады.