НҰР-СҰЛТАН, 29 қыркүйек – Sputnik. Бірінші қазанда Павлодар мұнай-химия зауытында жоспарлы жөндеу жұмыстары басталады. Сол кезеңде зауыт жұмысын тоқтатады, деп хабарлады кәсіпорынның баспасөз қызметі.
Жөндеу жұмыстары барлық технологиялық құрылғыларда жүргізілетін болады. Жөндеу қазанның соңына дейін аяқталып, зауыт толыққанды жұмыс істеуге көшеді деп жоспарланған.
"Зауыт жұмысы тоқтаған уақытта өзге қазақстандық мұнай өңдеу кәсіпорындары (Атырау және Шымкенттегі зауыт) күшейтілген режимде жұмыс істейтін болады", - делінген хабарламада.
Естеріңізге сала кетейік, елдегі мұнай өңдеу зауыттарында жоспарлы жөндеу жұмыстары жылда кестеге сай жүргізіледі. Күрделі жөндеу үш жылда бір рет жүзеге асырылады. 2018 жылдан бері мұнай өңдеу зауыттарында күрделі жөндеу жұмыстары жүргізілген жоқ.
Биыл жөндеу жұмыстарының уақыты екі рет шегерілді. Бірінші рет жоспарлы жөндеу жұмысы шілдеден қыркүйекке, кейін қыркүйектен қазанға ауыстырылды.
"Жөндеу жұмыстарын шегерудің негізгі себебі ішкі нарықтағы жанар-жағар май тұрақтылығын қамтамасыз ету және егін ору науқаны кезіндегі сұранысты өтеу", - дейді кәсіпорындағылар.
Павлодар мұнай-химия зауыты мұнай өнімдерінің бірнеше түрін өндіреді. Олардың қатарында түрлі маркалы автокөлік бензині, дизельдік отын, реактивті отын, техникалық күкірт, битумның бірнеше түрі, мұнай коксі, техникалық көміртек өндіруге арналған шикізат бар.
Оқи отырыңыз:
- Шымкент жүргізушілері дизель отынын таппай сабылып жүр
- Бензинді ел аумағынан шығаруға тағы 6 айға тыйым салуы мүмкін
Зерттеушілер 32 елдің ішінде ең арзан бензин Қазақстанда екенін анықтады