НҰР-СҰЛТАН, 22 тамыз — Sputnik. Қазақстандық боксшы Жан Кособуцкий америкалық қарсыласы Джоуи Давейконы мерзімінен бұрын жеңді. Бокс кеші Германияның Гамбург қаласында өтті.
Жекпе-жек 12 раундқа жоспарланған болатын. Боксшылар қазақстандыққа тиесілі WBA International чемпионы титулы үшін жұдырықтасты.
Кособуцкий америкалықты екінші раундта нокаутқа жіберді, деп хабарлайды Sports.kz.
Америкалық боксшы рингтен ұшып кетті.
Жерлес спортшы карьерасындағы он алтыншы жеңісіне жетіп, WBA International чемпионы титулын қорғады. "Танк" лақап атымен белгілі америкалық спортшы кәсіпқой рингте тоғызыншы рет жеңіліп отыр.