НҰР-СҰЛТАН, 23 шілде – Sputnik. Елорданың санитар дәрігерінің карантиндік шараларды қатаңдату туралы қаулысына сәйкес қоғамдық тамақтандыру орындары қысқартылған жұмыс режиміне көшті, деп хабарлайды Нұр-Сұлтан әкімдігінің ресми сайты.
Жоғарыда аталған қоғамдық тамақтану нысандарына жұмыс күндері таңғы сағат 7-ден 17.00-ге дейін жұмыс істеуіне рұқсат етіледі, ал "Ashyq" жобасына қатысатын мекемелер кешкі сағат 20.00-ге дейін жұмыс істей алады.
Асханалар үшін жұмыс және демалыс күндері сағат 07:00-ден 21:00-ге дейінгі жұмыс кестесі белгіленген.
Естеріңізге сала кетейік, сенбі және жексенбі күндері елордалық сауда және ойын-сауық орталықтарына және тағы басқа нысандардың жұмысына тыйым салынған.
Қазақстан аумағында коронавирус инфекциясының таралуына жол бермеу жөніндегі ведомствоаралық комиссия отырысының 14 шілдедегі хаттамасына сәйкес Нұр-Сұлтан қаласында шектеу және карантин шараларын қатаңдату туралы қаулы қабылданды.