АЛМАТЫ, 20 шілде — Sputnik. Алматыда мотоцикл жүргізушісі әйел мен баласын қағып кетті, деп хабарлайды Sputnik Қазақстан.
Жол апаты 19 шілдеде Республика алаңында №4 ғимаратына қарама-қарсы жерде болған. Желіде апат орнында түсірілген видео жарияланды.
Әйел көз жұмып, баласы ауруханада жатыр: Алматыда жантүршігерлік жол апаты болды
© Sputnik / Стрингер
Оқиға куәгерлерінің айтуынша, бала жетектеген ер адам мен коляска ұстаған әйел рұқсат етілмеген жерде жолды кесіп өтпек болған. Сәтбаев көшесімен келе жатқан DUKE BLACK мотоциклінің жүргізушісі 1976 жылы туған әйел мен бес жасар баланы қағып кетті.
Әйел көз жұмып, баласы ауруханада жатыр: Алматыда жантүршігерлік жол апаты болды
© Sputnik / Стрингер
Жол апаты салдарынан әйел жансақтау бөліміне жеткізілді, ол сол жерде алған жарақатынан көз жұмды. Бала қаладағы ауруханалардың біріне жансақтау бөлімінде жатыр. Жүргізуші де ауруханаға жатқызылды.