НҰР-СҰЛТАН, 27 маусым – Sputnik. Ақтауда ер адам әйелінің көңілдесін ұрып өлтірген. Осы іс бойынша Маңғыстау облыстық қылмыстық істер бойынша ауданаралық сот үкім шығарды, деп хабарлайды өңірлік lada.kz сайты.
Қылмыстық іс материалдарына сәйкес, қызғаншақ ер адам кешке әйелі бірге тұрып жатқан ақтаулықтың үйіне келген. Ол ер адамды алып ұрып, аяқ-қолымен ұра бастайды. Содан кейін желдеткішті алып, ол өлгенше соққы жасай берген.
Ісін тындырғаннан кейін қаскөй құны жиырма мың теңге Nokia ұялы телефонын алып, оқиға орнынан қашып кеткен.
Оқи отырыңыз: Ер адам бұрынғы әйелін отбасымен бірге қырып салды: оқиғаның мән-жайы
Сот Ақтау тұрғынын Қылмыстық кодекстің 99-бабының бірінші бөлігі (Адам өлтіру) және 188-бабы (Ұрлық) бойынша кінәлі деп тауып, тоғыз жылға бас бостандығынан айырды.
Сот үкімі әлі күшіне енген жоқ.