АЛМАТЫ, 18 маусым – Sputnik. Алматыда салынып жатқан тұрғын үй кешенінде өрт шықты. Қалалық төтенше жағдай департаментінің хабарлауынша, өрт сағат 10:22-де басталған.
"Салынып жатқан тоғыз қабатты "Драгон сити" тұрғын үй кешенінің бірінші қабатында пластикалық құбырлар өртенді. Ол өрт сөндіру бөлімшелері келгенге дейін сөндірілді", - деп хабарлады ведомство.
Соған байланысты қалалық төтенше жағдай департаменті құрылысшыларды жұмыс барысында өрт қауіпсіздігі ережелерін сақтауға шақырды.