НҰР-СҰЛТАН, 14 маусым – Sputnik. Нұр-Сұлтан қаласында Жетісу саябағы мен Сарайшық көшесі аумағындағы жолайрықта жаяу жүргіншілер жолын проекциялық жарықтандыру жобасы іске қосылды.
"Премиум" тұрғын үй кешені орналасқан бұл учаскеде көлік қозғалысы ерекше қарқынды. Аталған орын жаяу жүргіншілердің жол қауіпсіздігін қамтамасыз ету бағдарламасы аясында таңдалды.
"Мұнда жаяу жүргіншілер өткелі жол белгісімен және таңбалар проекциясымен біріктірілген. Бұл орын түнгі уақытта төрт жарықдиодты проектордың көмегімен жарықтандырылады", - деп жазды елорда әкімдігінің ресми сайты.
Кез келген ауа райында автокөлік жүргізушілері мен жаяу жүргіншілер жолдағы ақ-сары түс пен жол белгілерін анық көре алады.
Бұл технология елімізде алғаш болып Нұр-Сұлтан қаласында қолданысқа енгізіліп отыр.