НҰР-СҰЛТАН, 11 маусым - Sputnik. Денсаулық сақтау министрлігі коронавирус пен пневмониядан қайтыс болғандар статистикасын жаңартты. Өткен тәулікте 12 қазақстандық коронавирустан қайтыс болды, COVID-19 белгілері бар пневмониядан өлім тіркелген жоқ.
Пандемия басталғалы бері Қазақстанда 4136 науқас коронавирустан қайтыс болды, ал 3400 адам ковидті пневмониядан көз жұмды.
Еске салайық, өткен тәулікте 1 120 қазақстандықтың COVID-19 жұқтырғаны анықталды.
Оқи отырыңыз: Коронавируспен ауырғандарға қатысты жаңа дерек жарияланды
11 маусымдағы жағдай бойынша 21 951 адам коронавирустан емделіп жатыр, оның 7368-і стационарда ал, 14 583 науқас амбулаториялық деңгейде емделуде.
КВИ+ және КВИ пациенттерінің арасында:
- 521 науқас ауыр жағдайда
- 111 науқас өте ауыр жағдайда жатыр
- 79 науқас жасанды тыныс алдыру аппаратына қосылған.