"Стрижи" және "Русские витязи" пилотаж топтары Мәскеу түбіндегі Кубинкада өзінің отыз жылдық мерейтойын ауқымды авиашоумен атап өтті. Бұл салтанатты шара қалай өткенін фотодан көріңіз.
Ұшқыштар экипаждың жоғары кәсібилігі мен қосарланып ұшудың жоғары деңгейін паш ететін күрделі және таңғажайып трюктерді орындады. Пилотаж кезінде ұшу және техникалық сипаттамалары әртүрлі заманауи жойғыш ұшақтар әуеге көтерілді.
"Русские витязи" жоғары пилотаждық авиациялық тобы 1991 жылдың сәуірінде құрылды. "Витяздар" бастапқыда Су-27П және Су-27УБ жоғары маневрлі көп мақсатты жойғыштарымен ұшты.
Кейінірек топқа Су-30СМ ұшақтары беріліп, ал 2019-2020 жылдары олардың қатарына жоғары маневрлі көп мақсатты ресейлік Су-35С жаңа әуе кемелері қосылды. Көп уақыт бойы "Витяздар" сериялық үлгідегі ауыр жойғыш ұшақтармен ұшатын әлемдегі жалғыз пилотаж тобы болды.
Алайда 2012 жылы Қазақстанда "Жетісу барыстары" пилотажды авиатобы құрылып, ұшқыштар Су-27 ұшағын әуеге көтерді.
"Стрижи" өз туған күнін "Витяздерден" бір ай кеш атап өтеді. Себебі бұл авиатоп та дәл сол 1991 жылдың мамыр айында құрылған болатын. Ұшқыштар МиГ-29 көп мақсатты жоғары маневрлі жойғыштармен ұшады.