НҰР-СҰЛТАН, 11 мамыр – Sputnik. Нұр-Сұлтанда Shacman жүк көлігі Toyota Camry автокөлігімен соқтығысты, деп хабарлайды елорданың полиция департаменті.
Жол апаты дүйсенбі шамамен 18:40-та болды.
Тергеу анықтағандай, Toyota Camry-дың 51 жастағы жүргізушісі Әл-Фараби даңғылымен 40-шы стансаға қарай келе жатып, қарсы бетке шығып кеткен. Салдарынан 32 жастағы ер адам жүргізген Shacman жүк көлігімен соқтығысты.
Camry жүргізушісі оқиға орнында қаза болды.
Нұр-Сұлтан полициясы жүргізушілерден жолда сақ болуды және жол ережелерін қатаң сақтауды сұрады.