НҰР-СҰЛТАН, 21 сәуір — Sputnik. Нұр-Сұлтанның оң жағалауында орналасқан кафелердің бірінен өрт шықты. Ақпаратты қаланың төтенше жағдайлар департаменті растады.
Куәгерлер оқиға орнынан түсірілген видеомен бөлісті. Кадрлардан қою қара түтінді көруге болады.
"Сағат 12:16-да Нұр-Сұлтан қаласының төтенше жағдайлар департаментінің 10 адамнан және екі техникадан құралған өрт сөндіру бөлімшесі оқиға орнына аттанды. Байқоңыр ауданы, Иманов көшесі 5/2А мекенжайы бойынша түтін көрінді деген хабарлама келіп түсті. Өрт қызметкерлері бөлек тұрған Butchers Street тамақтану павильонында өрт шыққанын анықтады", - делінген хабарламада.
Оқи отырыңыз: Павлодарда пәтерден ер адамның күйген денесі табылды – видео
Өрт сағат 12:33-те оқшауланып, 12:41-де сөндірілді. Өрттің ауданы 30 шаршы метрді құрады. Қаза тапқандар мен зардап шеккендер жоқ.