НҰР-СҰЛТАН, 16 сәуір – Sputnik. Павлодарда полицей 16-шы қабаттан секірмек болған ер адамды құтқарды, деп хабарлайды Polisia.kz.
Оқиға 15 сәуірде күндізгі төрттер шамасында болды. Полицияға Назарбаев көшесіндегі көпқабатты үйлердің бірінде ер адам 16-шы қабаттан секіргелі жатқаны туралы хабар түсті.
Полицейлер мен шұғыл қызмет дереу оқиға орнына аттанды.
Анықталғандай, мас ер адам әйелімен ұрсысып қалған. Полицейлер бірден 16-шы қабатқа көтерілді.
Павлодар қаласы ПБ орталық полиция бөлімінің жедел уәкілі Асхат Маралбаев тұрғынмен бір сағаттан артық сөйлесіп, райынан қайтаруға тырысты.
Соңында тәртіп сақшысы оңтайлы сәтті пайдаланып, ер адамның өмірін құтқарып қалды.
Қала тұрғыны медицина қызметкерлеріне тапсырылды.