Биіктігі үш метрге жетеді: Мысырда 3 мың жыл бұрын жоғалған қала табылды

Кейбір ғалымдар бұл олжаның басты құндылығы пирамидалар еліне туристердің қызығушылығын қайта ояту мүмкіндігі деп санайды. Ал археологтар болса жоғалып кеткен "Алтын қаланың" ашылуы соңғы онжылдықтардағы ең үлкен айтулы оқиға екеніне сенімді.

Үлкен қала бұған дейін алпысқа жуық халықаралық экспедиция болып қайқан аумақтан табылды. Археологтар Тутанхамон жерленген храмды іздеген. Бұл перғауынның әйгілі саркофагы көп жыл бойы Ежелгі Мысырдың символына айналған болатын. Алайда мамандар әлдеқайда құнды олжаға тап болды.

Оқи отырыңыз: Су астына кеткен көне қалалар – фото

Жас шамасы үш мың жыл деп болжанған қалада қазірдің өзінде көптеген құрылыс табылды. Олардың қабырғаларының биіктігі үш метрге жетеді. Сондай-ақ көне керамиканың сансыз көп үлгісі, адам мәйітінің қалдықтары және жануарлар сүйегі табылды.

Түрлі елдегі мысыртанушы мамандар "Алтын қаланы" зерттеу ежелгімысырлық өркениеттің көп құпиясының бетін ашатынына сенімді.

1 / 15

Ер адам Луксор жанындағы "Алтын қаладан" табылған затты қолына ұстап тұр.

2 / 15

Перғауын Аменхотеп ІІІ үшін салынған храмды күзететін Мемнон алып мүсіндеріне жақын орналасқан Әл-Карна ауылының жанында тұрған адамдар.

3 / 15

Жұмысшылар Аменхотеп ІІІ билік еткен шақта "Атон дәуірлеуі" деген атауға ие болған 3 мың жылдық тарихы бар қаланың археологиялық қазбалары кезінде табылған тас боп қатқан балықты көтеріп келе жатыр.
Мысыр миссиясындағы археологтар ежелгі қала қалдықтарын Луксор аумағынан тыс құмнан тапқан. Мамандардың айтуынша бұл шаһар Мысырда анықталған ең ірі археологиялық қазба және ол перғауындардың алтын ғасырына жатады. Танымал мысыртанушы Захи Хавасс "Алтын қала" патшалар алқабы саналатын Луксорға жақын маңайда табылғанын мәлімдеді.

4 / 15

Луксордың батыс жағалауында перғауын Аменхотеп ІІІ үшін салынған храмды күзететін Мемнонның алып екі мүсінінің қирандылар келбеті.

5 / 15

Археологтар "Алтын қаланың" аумағын қазу кезінде адам қалдықтарын тапты.

6 / 15

Мысырдағы Луксор жанындағы "Алтын қаладағы" қазба жұмыстары кезіндегі археологтар олжаларының арасында жануарлар сүйегі де бар. Ол қаланың байырғы тұрғындарының тұрмыс-тіршілігімен жақынырақ танысуға мүмкіндік береді.

7 / 15

Жұмысшы "Алтын қала" маңында суретке түсіп тұр. Жақында табылған қала король Рамсес ІІІ пен Аменхотоп ІІІ алып мүсіндерінің ортасында Нілдің батыс жағалауында орналасқан. Қалаға ІІІ Аменхотоп немересі Тутанхамон, кейіннен оның ізін басушы король Эйя билік еткен.

8 / 15

Археологтардың пікірінше, "Алтын қаладағы" қазба орындарынан табылған керамика үлгілері тарихи және мәдени құндылық бола алады.

9 / 15

Ер адам қолына археологтар қалпына келтірген "Алтын қала" олжасы – керамикалық ыдысты ұстап тұр.

10 / 15

Археологтар Луксор жанындағы жоғалып кеткен "Алтын қаладан" жануарлардың сүйектерін де тапты.

11 / 15

Құмда ғайып болған "Алтын қала" аумағы өте үлкен. Археологтардың пікірінше, шаһарға бірнеше перғауын билік еткендіктен ол жиі қайта жасақталып, кеңейтілген.

12 / 15

Жергілікті халық коронавирус пандемиясына қарамастан археологтар жұмысына үлкен қызығушылық білдіруде.

13 / 15

Жергілікті тұрғындар мен туристер үшін "Алтын қала" қазба жұмыстарына жақын маңда табылған экспонаттардың жылжымалы музейін ұйымдастырды.

14 / 15

Жұмысшы мысырлық миссия "Атонның дәуірлеуі" атауына ие болған 3 мың жылдық қаладан табылып қалпына келтірілген керамика ыдысты көтеріп бара жатыр.

15 / 15

Ғалымдардың пікірінше, көне қаланың құпиялары мен қазыналары бойынша тың жаңалықтарды ашуға кемінде он жыл қажет.

Биіктігі үш метрге жетеді: Мысырда 3 мың жыл бұрын жоғалған қала табылды – фото