НҰР-СҰЛТАН, 14 сәуір – Sputnik. Көкшетауда көп қабатты тұрғын үйдің балконы құлап, үш көлікке зақым келді, деп хабарлайды Sputnik Қазақстан.
Оқиға сейсенбі, 13 сәуірде болған.
"Сағат 14:42-де Кенесары көшесіндегі бес қабатты тұрғын үйде төтенше жағдай қызметкерлері апаттық-құтқару жұмыстарын жүргізді. Олар тозығы жеткен балкон шатыры үшін қолданылған бетон плита құлаған соң қабырға жақтауындағы кірпіштерді бұзды", – делінген хабарламада.
Оқиға орнындағы жұмысқа 14 қызметкер мен үш техника жұмылдырылды.
Қаза тапқандар мен зардап шеккендер жоқ.
Көкшетауда көпқабатты тұрғын үйдің балконы опырылып түсті – видео
© Sputnik / Стрингер
Куәгерлердің айтуынша, құлаған балкон қирандылары үш көлікке зақым келтірген.