НҰР-СҰЛТАН, 21 наурыз – Sputnik. Шатырдан құлаған қар бірнеше көлікті басып қалған сәттің видеосы әлеуметтік желіде жарияланды.
Іnstagram желісіндегі astana_sergek парақшасында оқиға орнында түсірілген бірнеше видео жарияланды. Ғимарат шатырынан көлемді қар үйіндісі түнгі уақытта құлаған. Ал күндізгі уақытта түсірілген видеода автор бес көлік қар астында қалғанын айтады.
Видеодан автокөліктердің сау-тамтығы қалмағанын байқауға болады.
Ал ғимарат қабырғасында "Абайлаңыз, қар құлауы мүмкін!" деген ескерту ілінген.
Оқи отырыңыз: Қар астында көміліп жатқан: бір апта бұрын жоғалған малшы табылды - видео
Желі қолданушыларының көпшілігі оқиғаның "Технопарк" өндірістік аймағында болғанын жазып жатыр.