Коронавируспен күрес: Sputnik тілшісі News Photo Awards сыйлығын жеңіп алды

News Photo Awards. Overcoming COVID конкурсында Илья Питалевтың "Қатысу" атты жұмысы "Үздік сурет" номинациясы бойынша жеңіске жетті.

Фотографтың айтуынша, бұл конкурс "қызыл" аймақта тынымсыз еңбек еткен дәрігерлердің ерлігі мен пандемияның адамдар өмірін қалай өзгерткенін көрсетудің таптырмас мүмкіндігі болды. Илья коронавирусқа қатысты сәтті кадрларды іздеу барысында адамдардың үйіне келіп дұға жасау үшін арнайы құрылған дін қызметкерлерінің жасағы туралы біледі.

"Мен осы дін қызметкерінің бірімен келісіп, Боткин ауруханасының жанындағы храм қызметкері Иоанның науқас үйіне барған сәтін түсіріп алдым", - деді фотограф.

Ол кез келген фотограф үшін марапат үлкен мәнге ие екенін және алға жылжуға ынталандыратынын жеткізді. "Қарсы тұру" деп атау берілген суреттер топтамасы Ресей СІМ басшысы Сергей Лавровтың "Ерекше көзқарас" атты арнайы жүлдесін алды.

Конкурсқа әлемнің 84 елінен төрт мыңға жуық сурет жолданған. Жүлдеге лайық болған тілшінің жантебірентерлік суреттерін Sputnik топтамасынан көріңіз.

1 / 12

News Photo Awards. Priest father конкурсында "Үздік сурет" номинациясында жеңіске жеткен The Sacrament ("Қатысу") фотосы. Шіркеу қызметкері Иоанн індет жұқтырған Анна Одинокованың үйінде.

2 / 12

Пирогов атындағы ұлттық медицина-хирургия орталығындағы коронавирус жұқтырған науқастарға арналған ауруханада жеке қорғаныс құралдарын киген медицина қызметкері.

3 / 12

№52 қалалық клиникалық ауруханада ерікті науқасқа күтім көрсетіп жатыр. Бұл ауруханада коронавирус жұқтырған науқастар ем қабылдайды. Мәскеу, Ресей.

4 / 12

Ресей Федерациясы денсаулық сақтау министрлігінің ұлттық балалар денсаулығын медициналық зерттеу орталығының медицина қызметкерлері. Мұнда коронавирус инфекциясы анықталған балалар ем алады. Мәскеу, Ресей.

5 / 12

Жеке қорғаныс құралдарын киген медицина қызметкерлері №52 қалалық клиникалық аурухананың интенсивті терапия бөлімінде науқастарды емдеп жатыр. Бұл ауруханада коронавирусқа шалдыққан науқастар ем қабылдайды. Мәскеу, Ресей.

6 / 12

№2 инфекциялық ауруханадағы қорғаныс костюмін киген медицина қызметкері мен жаңа туған нәресте. Мәскеу, Ресей.

7 / 12

Жеке қорғаныс құралдарын киген медицина қызметкері коронавирустық инфекция жұқтырған науқастарға арналған №15 Мәскеу қалалық клиникалық ауруханадағы (Филатов атындағы) залалсыздандыру камерасы арқылы өтіп жатыр. Мәскеу, Ресей.

8 / 12

Жеке қорғаныс құралдарын киген медицина қызметкері "Крылатское" мұз сарайында COVID-19 жұқтырған азаматтар үшін уақытша жасақталған медицина мекемесінде науқастарды емдеп жатыр. Мәскеу, Ресей.

9 / 12

Коронавирус инфекциясынан көз жұмған азаматты жерлеу рәсімі. Мәскеу облысы, Ресей.

10 / 12

Жеке қорғаныс құралдарын киген медицина қызметкерлері коронавирустық инфекцияны жұқтырған науқастар емделетін №15 Мәскеу қалалық клиникалық ауруханадағы (Филатов атындағы) интенсивті терапия бөлімінде жұмыс істеп жатыр. Мәскеу, Ресей.

11 / 12

Елоховодағы Богоявленск соборында орыс православ шіркеуінің патриархы Кирилл жүргізген діни шарада бетперде таққан әйелдер коронавирусты инфекцияға қарсы дұға жасап жатыр. Мәскеу, Ресей.

12 / 12

Фашистік Германияға қарсы екінші дүниежүзілік соғыстағы жеңістің 75 жылдығына орай ұйымдастырылған Қызыл алаңдағы авиацияның аспандағы шеруі. Ұшқыштар тобы Су-25 ұшағымен әуеге көтерілді. Мәскеу, Ресей.

Коронавируспен күрес: Sputnik тілшісі News Photo Awards сыйлығын жеңіп алды – фото