НҰР-СҰЛТАН, 12 наурыз — Sputnik. Қытай шекарасы мен Ресей шекарасына дейін Қазақстан шығысы арқылы өтетін М-38 жолы ақылы болады, деп хабарлады "Қазавтожол" баспасөз қызметі.
"Биыл ұзындығы 464 шақырым М-38 тасжолының Павлодар-Семей-Қалбатау учаскесі ақылы болады. Павлодар облысында тест режимінде үш, ал Шығыс Қазақстан облысында сегіз бақылау орны жасалды", - делінген хабарламада.
Шығыс Қазақстан облысында ақылы учаске Семей және Шар қалалары, Аққұл, Бесқарағай және Жарма аудандары арқылы өтеді, деді "Қазавтожол"өкілдері қоғамдық тыңдау барысында.
Жергілікті тұрғындар азық-түлік пен қызмет бағасы артады деп алаңдап отыр. Сондықтан жергілікті жүк көліктері мен ауыл шаруашылығы техникасына жеңілдік беруді сұрады.
Сондай-ақ тұрғындар Павлодар - Семей - Қалбатау жолын төрт жолаққа дейін кеңейтуді талап еткен. Малдан қоршаулар орнату керектігі айтылды.