НҰР-СҰЛТАН, 9 наурыз — Sputnik. Нұр-Сұлтанда тұңғыш ғарышкерге арналған "Біздің Гагарин" көрмесі ашылды.
Ұшқыш-ғарышкер, Қазақстанның Халық қаһарманы, КСРО қаһарманы Тоқтар Әубәкіров көрменің құрметті қонағы болды, деді Sputnik Қазақстан.
Шараны Қазақстандағы Россотрудничество, Мәскеудегі космонавтика музейі, Қазақстан инновациялық және телекоммуникация жүйесі университеті ұйымдастырды.
Көрме Юрий Гагариннің туған күніне арналған.
Суреттер арасында Гагарин мен Қазақстанның тұңғыш президенті Нұрсұлтан Назарбаевпен кездескен сәті бар. Кездесу Мәскеуде жастардың коммунистік одағының XIV съезінде өткен.
"Менің ойымша, барлық ғарышкерлер барша адамзатқа тиесілі. Сондықтан біздің рөліміз - халықтарды біріктіру. Адамзат керемет адамды жоғалтты. Гагарин - барша Жер шарының адамы. Бәрі оған ұқсас болғысы келді", - деді Әубәкіров Sputnik Қазақстанға.
"Наш Гагарин" көрмесі наурыз айының соңына дейін Ресейдің ғылым және мәдениет орталығында өтеді. Кіру тегін.