НҰР-СҰЛТАН, 2 наурыз — Sputnik. Қазақстан премьер-министрі Асқар Мамин мен Реейдің үкімет басшысы Михаил Мишустин дүйсенбі күні телефон арқылы сөйлесті.
"Екі елдің сауда-экономикалық әріптестігі талқыланды. Қазақстанның Еуразиялық экономикалық одақ органына төрағалық етуі аясында интеграциялық байланысты нығайту жайы сөз болды", - деп хабарлады Ресей үкімет басшысының баспасөз қызметі.
Еске сала кетсек, ақпан айының басында Мишустин Қазақстанға келіп, Еуразиялық үкіметаралық кеңес отырысына қатысқан болатын.
Еуразиялық экономикалық одақ - 2015 жылдан бастап жұмыс істейтін халықаралық интеграциялық экономикалық бірлестік. Оған Қазақстан, Ресей, Беларусь, Армения және Қырғызстан мүше. 2021 жылы ЕАЭО-қа Қазақстан төрағалық етеді.