НҰР-СҰЛТАН, 22 ақпан – Sputnik. Қазақстанда 2021 жылға арналған қандастарды (тарихи отанына оралған этникалық қазақтарды) қабылдаудың аймақтық квотасы ұлғайтылды.
"Еңбек және халықты әлеуметтік қорғау министрлігінің 20 ақпан күнгі бұйрығында: "2021 жылға арналған қандастарды қабылдаудың өңірлік квотасының саны – 1 426 адам; ал қоныс аударушыларды қабылдаудың өңірлік квотасының саны – 6 039 адам болып белгіленсін", – делінген.
Құжат "Әділет" нормативтік құқықтық актілерінің ақпараттық-құқықтық жүйесінде жарияланды.
Бұйрық ресми түрде жарияланғаннан кейін күнтізбелік он күн өткен соң қолданысқа енгізіледі.
Ал 2020 жылы қандастарды қабылдауға аймақтық квота 1 378 адам, ал қоныс аударушылар үшін 4 750 адам мөлшерінде белгіленген болатын.
Оқи отырыңыз: Оралман ба, әлде қандас па - министр өзіне қай сөз жақын екенін айтты
Айта кетейік, Қазақстанда "оралман" термині қолданыстан шығарылуына байланысты – егемендік алған кезде республикадан тыс жерлерде өмір сүрген этникалық қазақтар "қандас" деп аталатын болды.