НҰР-СҰЛТАН, 21 ақпан — Sputnik. Желіде Алматы көшесінде жүрген екі есектің видеосы пайда болды.
Ролик авторы оқиға Райымбек және Наурызбай батыр көшелерінің қиылысында болғанын жазды.
Олардың жанында ер адам жүр. Желі қолданушылары ол жануарлардың иесі деген болжам жасады. Есектер қайта-қайта қашып кетумен болды. Ер адам әрең дегенде есектердің біріне мінді, бірақ соңында құлап тынды.
Жануарлар айналадағы адамдар мен көліктерге мән бермеген. Олардың Алматы көшесіне қалай келгені белгісіз.
Қазіргі уақытта полиция видеоны зерттеп жатыр.