НҰР-СҰЛТАН, 5 ақпан – Sputnik. Ақтөбеде каратэдан 18 жастағы Азия чемпионы Дәулет Хайролла көз жұмды.
Қаралы хабарды Sputnik Қазақстанға Ақтөбе облысы дене шынықтыру және спорт басқармасының басшысы Евгений Гончаров растады.
"Иә, қаза болғаны рас", – деді ол.
Айтуынша, 18 жастағы спортшыны жанжал кезінде өлтіріп кеткен. Қазіргі кезде күдіктілер ұсталған.
Оқи отырыңыз: Танымал әлем чемпионын үйінің алдында атып кетті
Киокушинкай каратеден 2018 жылғы Азия чемпионы атанған Дәулет Хайролла қоңыр белбеу иегері болған.
Сондай-ақ, ол келесі аптада Қазақстан кубогы үшін өтетін жарысқа баруы керек еді.