Шығыс халқы жаңа жылға қалай дайындалып жатыр

Басқа елдердегі наным бойынша Өгіз жылы 12 ақпаннан бастап күнтізбеге енеді. Алайда, Азия елдері оны мерекелеуге қазірден дайындалып жатыр.

Қаңтар айының соңында-ақ аймақтағы тіршілік жандана бастайды. Көне дәстүр бойынша адамдар мерекені отбасының ортасында, жақындарымен қарсы алуы қажет болғандықтан, Азия елдерінің тұрғындары ғаламшардың түкпір-түкпірінен ата-анасының үйіне қонақтап келеді.

Бұл қарбалас пайдалы ғана емес, көңілге қуаныш сыйлайтындай болуы үшін қалалар, ауылдар, тіпті көшелер де мерекелік кейіпке енеді.

Мейрам қарсаңында Азия қалай түрленетінін біздің фотодан көріңіз.

1 / 8

Куала-Лумпур көшелеріндегі алқызыл киім киген мүсіндер ерекше көзге түседі

2 / 8

Наным бойынша, қызыл түс жамандық атаулыны жақындатпай, сәттілік әкеледі. Сондықтан, қызыл түсті шамдар ғимараттарға, көше жарығының бағаналарына, үй айналасына көптеп қойылады.

3 / 8

Аңыз бойынша, әрбір жаңа жыл басында қытайлар мерекенің бірінші күнінде келіп, барлық мал мен астықты жалмап жеп, тұрғындардың өміріне қауіп төндіретін Нянь (қытай тілінен аударғанда "Жыл" дегенді білдіреді) атты құбыжықтан тығылуы керек. Осы құбыжықтан өз үйлерін қорғау үшін қытайлар баспанасын әсемдейді: үй сыртына қызыл қағаздан жасалған оюлар жабыстырып, ізгі тілек жазылған картиналар іледі және қызыл шамдарды барлық тұсқа қояды.

4 / 8

Халық арасында тараған аңыз бойынша кішкентай балаларды жейтін Нянь бір күні қызыл киім киген баланы көріп, қорқып кеткен екен. Содан тұрғындар құбыжық қызыл түстен қорқады деген шешімге келген.

5 / 8

Жыл белгісі – Ақ металл өгіз – күш, сенімділік пен еңбекқорлықтың нышаны.

6 / 8

Көше қызыл шамдарға толып кетеді. Кіреберіс есіктердің екі жағына да тілек жазылған қағаздар ілінеді. Ресми мекемелер де қызыл түстермен безендіріледі.

7 / 8

Шығыстағылар ай туғаннан кейін келетін жаңа жылды қалай қарсы алсаң, солай өткізесің дегенге сенеді. Сондықтан, жаңа жылда жаңа киім киіп, көтеріңкі көңіл-күймен жүруге тырысады.

8 / 8

Әсемделген көшелерде суретке түсу заманауи мерекенің міндетті элементтерінің бірі.

Шығыс халқы жаңа жылға қалай дайындалып жатыр – фото