НҰР-СҰЛТАН, 14 қаңтар – Sputnik. Мемлекет басшысының өкімімен Әмірхан Мұратбекұлы Рахымжанов "Қазақстан Республикасының тұңғыш президенті – Елбасының кітапханасы" мемлекеттік мекемесінің директоры қызметінен босатылды, деп хабарлады Ақорда.
Әмірхан Рахымжанов 10 қаңтарда өткен сайлаудың нәтижесі бойынша Nur Otan партиясының атынан мәжіліс депутаттығына өтті.
Ол "Қазақстан Республикасының тұңғыш президенті – Елбасының кітапханасы" мемлекеттік мекемесінің директоры қызметіне 2019 жылы тағайындалған болатын. Бұған дейін кітапхана директорының орынбасары, ал 2015-2017 жылдары білім және ғылым министрлігінің жауапты хатшы қызметін атқарды.
Ал 2014-2015 жылдары мәжілістің V шақырылым депутаты болған. Парламенттің төменгі палатасына Nur Otan-ның партиялық тізімі бойынша өтті.