Астрологтардың айтуынша, бұл жыл ұлы істер мен оқиғаларға толы жыл болмақ. Яғни, әрқайсымыз көптен армандаған нәрсені жасауға мүмкіндік аламыз.
Кейбір деректерге сүйенсек, жоспардың жүзеге асуы үшін жыл символынан қолдау күтудің өзіндік мәні бар. Сондықтан да сиыр жылындағы жорамалды негізге ала отырып, алдағы 12 айдан сәттілік пен жақсылықтан үміттенуге болады деп есептеледі.
Егер сіз жұлдыз-жорамалға сенсеңіз, онда сиыр (бұқа) бейнесімен арнайы бойтұмар алу керек. Ең дұрысы, ол жыл сипаттамасына толығымен сәйкес келеді және ол ақ металдан жасалады. Ал мұндай бойтұмарды жыл бойы тағып жүрген жөн. Олар зергерлік алқалар мен түрлі әшекей бұйымдар болуы мүмкін.
Сол сияқты үйде немесе пәтерде сиыр немесе бұқа бейнесіндегі мүсіндер қойылса, бұл үйге ер адамның ерік-жігері мен күші, тұрақтылығы мен байлығы тартылады деген сенім бар.
Оқи отырыңыз: Алматы көшелері жаңа жылға қалай безендірілді – фото
Жалпы астрологтардың айтуынша, алдағы жыл атауына ие болған жануардың сапалық қасиеттері өте жоғары бағаланады.
Егер суреттер топтамасына мұқият назар аударсаңыз, әр кезеңде әр салада аша тұяқтылар бейнесі жиі байқалады. Яғни, көше билбордтары мен стадиондардан бұқаның суретін тамашалап, ескерткіші мен мүсінін кездестіру қиын емес. Тіпті, әлемге әйгілі брендтердің логотиптерінде, киім мен спорттық командалардың аттарында бұқа бейнесі кең таралған.