Алматы көшелері жаңа жылға қалай безендірілді

Биыл Алматы әкімдігі жаңа жылға орай көшелердің безендірілмейтінін айтты, оған бөлінген ақша коронавируспен күреске жұмсалады. Сонымен қатар биыл мерекелік отшашу болмайды. Қаланың ішінде төрт шырша орнатылды.

Алайда кәсіпкерлік нысандар мен мейрамханалар, сауда ойын-сауық орталықтары жыл сайын дәстүрге айналған безендіру жұмыстарын жүргізді. Шыршалар орнатылып, қала халқы мен қонақтарына мерекелік шаттық сыйлауда. Шырша маңында фотоға түсіп жатқандардың да қарасы қалың.
Sputnik Қазақстан тілшісі Алматы көшелерін аралап, тұрғындардың жаңа жылдық көңіл-күйін фотоға түсірді.

1 / 15

Алматы көшелері жаңа жыл қарсаңында жарқырай түсті, мейрамхана мен ойын-сайық орталықтары қонақтар үшін безендіру жұмыстарын жүргізді.

2 / 15

Көшелерді жарқыратып, дәмханалар маңына шырша қойып, оны жаңа жылға безендіру мерекелік дәстүрге айналған.

3 / 15

Жаңа жыл жақындаған сайын қазақстандықтар әлеуметтік желіде шырша мен иллюминация жанында түскен фотолар жариялай бастайды. Алматыдағы алтын түстес бұғы жыл сайын қала тұрғындарын қуантып келеді.

4 / 15

Жаңа жыл – ғажайыпқа сеніп, армандар орындалатын кезең. Ел арасында жылды қалай бастасаң, дәл солай өткізесің деген түсінік бар. Сол себепті мереке қарсаңында қала басқаша түрге енеді.

5 / 15

Астана алаңына орнатылған шыршаның жанына "Біз біргеміз" ұранды сөзі жазылған. Қаланың ескі орталығында тұратындар жаңа жыл қарсаңында осы шыршаның маңына жиналады.

6 / 15

Алайда жаңа жылда қалада топ болып жүруге болмайды. Карантин талабына сәйкес, 10 адамның бірге жүруі жаппай жиналу болып саналады.

7 / 15

Көшедегі жаңа жылдық безендіру қала тұрғындары мен қонақтарына ерекше мерекелік көңіл-күй сыйлайды. Ал жастар декорация жанында фотоға түсіп жатыр.

8 / 15

Алматы әкімдігі жаңа жыл қарсаңында көшелердің безендірілмейтінін айтты, алайда нысан иелері өздері жаңа жылдық безендіруді қолға алған.

9 / 15

Мегаполисте жаңа жылда мерекелік отшашу болмайды, оған бөлінген қаржы коронавирус пандемиясымен күреске жұмсалады.

10 / 15

Алматы әкімдігі шыршаларды орнату мен көшелерді жарықпен безендіруге ақша бөлмегенімен, қала ішінде төрт жаңа жылдық шырша орнатылатынын айтты.

11 / 15

Алматыда ауа райы салқын болғанына қарамастан қала тұрғындары сиыр жылын қарсы алуға дайындалып жүр.

12 / 15

Esentai Mall маңындағы Аяз ата бас киімі

13 / 15

Кей нысан қала тұрғындары мен қонақтарына фотоға түсуге арнап арнайы безендіру жұмыстарын жасаған

14 / 15

Мерекені әр ел әртүрлі тойлайды. Адамдар жаңа жылдан жақсылық, табыс пен қуаныш күтеді.

15 / 15

Жаңа жыл жақындаған сайын қала іші жарқырай түсті.

Алматы көшелері жаңа жылға қалай безендірілді – фото