НҰР-СҰЛТАН, 8 желтоқсан – Sputnik. Ақтөбе облысы мәслихатының депутаты Аркадий Ни Nur Otan партиясынан шығарылды. Бұл туралы Sputnik Қазақстанға партияның облыстық филиалының баспасөз қызметі хабарлады.
"Ақтөбе облысы мәслихатының депутаты Аркадий Нидің заңға қарсы әрекет жасады деген күдікпен ұсталуына байланысты Nur Otan облыстық филиалының партиялық бақылау комиссиясы облыстық саяси кеңес бюросына Аркадий Ниді партия билетінен айыру туралы мәселені қарауды ұсынғанын хабарлаймыз", - делінген хабарламада.
Облыстық саяси кеңес бюросының қаулысымен Аркадий Ни Nur Otan партиясы қатарынан шығарылды.
Ақтөбе облыстық полиция департаменті Аркадий Ниге қатысты сотқа дейінгі тергеу туралы сұраққа "жеке тұлғаға қарсы қылмыстық заңбұзушылық жасағаны үшін Ақтөбе тұрғынына қатысты қылмыстық іс тергеліп жатыр" деп жауап берді.
"Қазіргі таңда күдікті Қылмыстық-процессуалдық кодекстің 128-бабы тәртібінде Ақтөбе қаласының уақытша ұстау изоляторына қамалды. ҚПК-ның 201-бабына сәйкес өзге ақпарат жария етілмейді", - деді Sputnik Қазақстанға полиция департаментінің баспасөз қызметінен.
Бұған дейін Telegram-каналда Ақтөбеде 16 жасқа толмаған қызбен жыныстық қатынасқа түсті деген күдікпен ірі кәсіпкер ұсталғаны туралы ақпарат пайда болды.