НҰР-СҰЛТАН, 19 қараша – Sputnik. Adal саяси партиясының төрағасы Серік Сұлтанғали өзіне Нұрсұлтан Назарбаевтың күйеу баласы, "Атамекен" ұлттық кәсіпкерлер палатасы президиумының төрағасы Тимур Құлыбаев қолдау көрсететіні туралы қауесетке түсініктеме берді.
"Әрбір партия өзінің артында осы азаматтың тұрғанын армандаса керек. Ол белгілі тұлға және кәсіпкер. Мен оны жақсы білемін. Естуімше, оның саяси амбициясы жоқ. Менің артымда халық, әкем мен анамның рухы тұр", - деп жауап берді Сұлтанғали партия съезі басталғанға дейін.
Оқи отырыңыз: Adal партиясы мәжіліс депутаттығына кандидаттардың тізімін бекітті
Нұр-Сұлтанда Adal саяси партиясының VII съезі басталды.
Съезде мәжіліс депутаттығына кандидаттардың партиялық тізімі бекітілді. Партия жаңартылған Adalpartiyasy.kz сайтын таныстырып жатыр.
2013 жылы Қазақстанда "Бірлік" саяси партиясы пайда болды. 2020 жылдың 5 қарашасында партия өз атын Adal деп өзгертті.