НҰР-СҰЛТАН, 13 қараша – Sputnik. Қазақстандық боксшы Тұрсынбай Құлахметтің (2-0, 1 КО) промоутерлік компаниясы спортшының сұқбатын жариялады. Боксшы британиялық қарсыласы Маколей Макгоуэнмен (14-1-1, 3 КО) болған жекпе-жектен кейін тікелей эфирге шықты.
Кездесуде жерлесіміз бірауыздан төрешілер шешімімен жеңіске жеткен болатын, деп хабарлайды Sports.kz.
"Мен 12 айдан кейін толыққанды белбеу алуды көздеп отырмын", - деді қазақстандық спортшы.
"Тұрсынбай Құлахмет өзінің алдағы мақсатын айқын көрсетті" деп жазылған MTK Global жариялаған видеоның астында.
Еске сала кетсек, Құлахмет WBC International титулы үшін жекпе-жекте британиялық қарсыласынан басым түсті.